16:40 / 08.03.2018
6626
Туркия Ироқ шимолида ҳам ҳарбий амалиётни ўтказиши мумкин
Фото: AP

Туркия ва Ироқ ҳукумати Ироқ шимолида Курдистон ишчи партиясига қарши қўшма ҳарбий амалиётни ўтказади. Бу ҳақда Туркия ТИВ раҳбари Мавлуд Чавушўғли маълум қилди, деб хабар бермоқда CNN Turk.

Чавушўғлининг сўзларига кўра, Ироқ ҳукумати 12 майдаги парламентлик сайловларидан сўнг амалиётни бошламоқчи.

«Ироқ ҳукумати мамлакатни террорчилик ташкилотларидан тозалашни хоҳламоқда», - дея бундай қарорга изоҳ берган туркиялик вазир.

Анқара айни дамда Суриянинг Афринида курдларга қарши «Зайтун новдаси» номли ҳарбий амалиётни ўтказмоқда.

Мавзу
Туркиянинг Сурияга кириши

Туркия қуролли кучлари Суриянинг Африн минтақасидаги қуролланган курд бўлинмаларига қарши қуруқликдаги ҳарбий операцияни амалда бошлади.

Барчаси
Top