KQTTdagi Britaniya delegatsiyasi Rossiyaning Skripal ishi bo‘yicha taklifini rad etdi

Buyuk Britaniyaning KQTT (Kimyoviy qurolni taqiqlash bo‘yicha tashkilot) qoshidagi delegatsiyasi Rossiyaning Solsberida GRU sobiq polkovnigi Sergey Skripal va uning qizi Yuliya zaharlanishi bilan bog‘liq hodisani birgalikda surishtiruvdan o‘tkazish bo‘yicha taklifini rad etdi. Bu haqda idora tvitterdagi o‘z sahifasida xabar bergan.

«Angliyaning Solsberida yuz bergan hodisani Britaniya-Rossiya qo‘shma surishtiruvidan o‘tkazish bo‘yicha taklifi g‘alati. Bu chalg‘ituvchi taktika va qo‘shimcha yolg‘on ma'lumot tarqatish bo‘lib, u Rossiya hukumati javob berishi kerak bo‘lgan savollardan qochishga yo‘naltirilgan», - deyiladi bayonotda.

Eslatib o‘tamiz, avvalroq Skripal ishida rossiyalik shubhali shaxs paydo bo‘lgani xabar berilgandi.