Yuliya Skripal «xavfsiz joyga» olib ketilgan

Yuliya Skripal Solsberidagi shifoxonadan chiqarildi va «xavfsiz joyga» olib ketildi. Bu haqda «Bi-bi-si» manbalarga asosan xabar bermoqda.

Avvalroq Yuliya Skripal shifoxonadan chiqarilishi ma'lum qilingandi. “Men Britaniya ommaviy axborot vositalari Yuliyaning shifoxonadan chiqqani haqida xabar berayotganini ko‘rdim, biror narsani bilish uchun elchixonaga ham, “Bi-bi-si”ga ham qo‘ng‘iroq qilmoqdaman, biroq hozircha hech qayerda go‘shakni ko‘tarishmayapti”, degan Yuliyaning qarindoshi Viktoriya Skripal.

Bundan tashqari, Rossiya Skripallarning maxfiy ko‘chirilishini fuqarolarni o‘g‘irlash sifatida baholashini ma'lum qildi.