Erdo‘g‘an neft eksport qiluvchi musulmon mamlakatlarga murojaat bilan chiqdi

Turkiya prezidenti Rajab Toyyib Erdo‘g‘an neftga boy musulmon davlatlarga murojaat bilan chiqdi, deb xabar bermoqda «Anadolu».

«Agar bu mamlakatlar muhtoj kishilarga yordam berish uchun daromadlarining bir qismini yo‘naltirsa, dunyoda qashshoqlar qolmaydi», - deya aytib o‘tdi Erdo‘g‘an Anqaradagi Hamkorlik va muvofiqlashtirish agentligi koordinatorlarining to‘rtinchi yillik yig‘ilishida.

Uning so‘zlariga ko‘ra, agarda Turkiyadan iqtisodiy ko‘rsatkichlar bo‘yicha yuqori turadigan G‘arb davlatlari haqiqatdan ham xohlasa, unda dunyodagi ocharchilik va qashshoqlikka barham bera oladi. Prezident Suriyadagi vaziyat haqida ham to‘xtalib o‘tgan.

«Turkiya Suriyani yo‘qotib yuborishga qaror qilgan terrorchilik tashkilotlari va kuchlar harakatiga qat'iy javob qaytaradi, bu mamlakatning qayta tiklanishi hamda o‘sishini ta'minlab beradi», - dedi Erdo‘g‘an.