Yigʻilishda Myunxen texnika universiteti (TUM), Robert Bosch GmbH, Nexperia, STADA Arzneimittel AG, Berlin University Alliance vakillari, shuningdek, Energetika vazirligi, «Oʻzkimyosanoat» AJ, Olmaliq KMK, «Oʻzsanoatqurilishbank», ADM Global, Uzum, TBC va Octobank rahbarlari ishtirok etdi.
Muhokamalar markazida universitetlar dasturlarini sanoat ehtiyojlariga yanada yaqinlashtirish, qoʻshma ilmiy-tadqiqot va innovatsion loyihalarni amalga oshirish hamda ilmiy ishlanmalarni real sektorga joriy etish masalalari boʻldi.
Davlat rahbarining taʼlim sohasi vakillari bilan uchrashuvida taʼkidlanganidek (https://president.uz/uz/lists/view/9678), oliy taʼlim muassasalarining kuzatuv kengashlariga ilgʻor xorijiy va mahalliy kompaniyalarni aʼzo sifatida jalb etish muhim vazifalardan biridir. Yangi Oʻzbekiston universitetida boʻlib oʻtgan ushbu uchrashuv oliy taʼlim muassasalari faoliyatiga yetakchi mahalliy va xorijiy kompaniyalarni keng jalb etish, taʼlim, ilm-fan va ishlab chiqarish oʻrtasida mustahkam hamkorlikni shakllantirishga qaratilgan strategik vazifalarning amaliy ifodasidir.
