Yevroittifoq rahbariyati Trampga taklif bilan chiqmoqchi

Yevroittifoq rahbariyati AQSh prezidenti Donald Trampga Amerika avtomobillariga bojlarni pasaytirish bo‘yicha savdo bitimini taklif etishni rejalashtirmoqda, bu po‘lat va alyuminiyga bojlardan qochish uchun qilinyapti. Bu haqda The Wall Street Journal manbalarga asosan xabar berdi.

Nashr ma'lumotlariga ko‘ra, bu bitim AQShning Amerikada ishlab chiqarilgan va Yevropa bozoriga kirib borayotgan avtomobillar, ehtiyot qismlari hamda sanoat uskunalariga bojlarni pasaytirish bo‘yicha asosiy talabini qondiradi.

Ta'kidlanishicha, YeI buning evaziga Yevropa kompaniyalarining AQSh davlat buyurtmalariga kirishini so‘raydi. Shu bilan birga, bitimda Yevroittifoq AQShga Jahon savdo tashkilotida Xitoyga qarshi turishda yordam ko‘rsatishi kelishib olinadi.

Manbalar so‘zlariga ko‘ra, bunday tashabbus Germaniya tomonidan taklif etildi, u AQSh bilan savdo urushi keskinlashsa, eng katta yo‘qotishlarga uchrashi mumkin.