G7 Rossiyani beqarorlashtiruvchi harakatlarda aybladi

«Katta yettilik» davlatlari TIV rahbarlari Rossiyani beqarorlashtiruvchi harakatlarda ayblab chiqishdi, biroq hamkorlikka tayyor ekanliklarini bildirishdi. Bu haqda RIA «Novosti» G7 tashqi ishlar vazirlari bayonotiga asosan xabar qilmoqda.

«Biz qoidalarga asoslangan xalqaro tizimni himoya qilish va ilgari surishga sodiqmiz. U Rossiyaning mas'uliyatsiz va beqarorlashtiruvchi harakatlariga qarshi chiqadi, jumladan boshqa mamlakatlar demokratik tizimlariga aralashuv bo‘yicha ham... Shunga qaramay, biz Rossiya bilan mintaqaviy inqirozlar va global chaqiriqlar masalalari bo‘yicha hamkorlikni davom ettiramiz», - deyiladi bayonotda.

Eslatib o‘tamiz, avvalroq Kanada Tashqi ishlar vazirligi G7 davlatlari Rossiyaga nisbatan sanksiya siyosatini davom ettirishi haqida ma'lum qilgandi.