Telefondan doimiy tarzda qo‘ng‘iroq qiluvchi Tramp Oq uyda xavotir keltirib chiqardi

AQSh prezidenti Donald Tramp shaxsiy mobil telefonidan ko‘p foydalana boshladi, shu sababdan Oq uy apparati xodimlarida turli xavotirlar kelib chiqmoqda. Bu haqda CNN telekanali o‘z manbalariga asosan xabar bergan.

«So‘nggi vaqtlarda u telefonidan juda ko‘p foydalana boshladi», - deya ma'lum qilgan manbalardan biri.

Telekanal ma'lumotlariga ko‘ra, Tramp o‘z qo‘ng‘iroqlari haqidagi batafsil ma'lumot apparat rahbari Jon Kelliga taqdim etilmasligini xohlamoqda. Avval u qo‘ng‘iroqlar uchun ichki telefondan foydalangan, biroq endi ko‘proq o‘z telefonini ishlatmoqda.

Eslatib o‘tamiz, avvalroq AQSh prezidenti Donald Tramp Fransiya yetakchisi Emmanuel Makron bilan birgalikda Oq uydan uncha uzoq bo‘lmagan yerda eman daraxti ko‘chatini o‘tqazgani xabar berilgandi.