Qur'oni karim musobaqasidan so‘ng O‘zbekistonda Hadisi sharif musobaqasi o‘tkazilishi haqida xabar berilgan edi. «Hadisi sharif bilimdoni» respublika tanlovining Toshkent shahar bosqichi 4-5 may kunlari bo‘lib o‘tadi.
O‘zbekiston musulmonlari idorasi Toshkent shahar vakilligi xabariga ko‘ra, 4 may kuni ayollar o‘rtasida o‘tkazilsa, 5 may kuni erkaklar o‘rtasida bo‘lib o‘tadi. Musobaqalar O‘zbekiston Yoshlar ittifoqi saroyida (mo‘ljal: O‘zbekiston milliy universiteti) soat 9:00da boshlanadi. Musobaqaga kirish bepul va alohida taklifnoma talab qilinmaydi.
