Jangarilar Suriyaning Xoms viloyati shimolini jangsiz tark etishga rozi bo‘ldi

Foto: Reuters

Suriya hukumati jangarilar yo‘lboshchilari bilan ularning Xoms shimoli va Xama janubidan jangsiz chiqib ketishi haqida kelishib oldi. Bu haqda SANA davlat axborot agentligi xabar qilmoqda.

«Xoms viloyati shimoli va Xama viloyati janubidan terrorchilar guruhini chiqarib olish haqidagi kelishuvga erishilgani to‘g‘risida ma'lumot paydo bo‘ldi», - deyiladi agentlik xabarida.

Xabar qilinishicha, jangarilar Suriya hukumatiga o‘rta va og‘ir qurol-yarog‘larni topshirsa, ushbu taklifdan foydalanishi mumkin. Ular buni ikki sutka davomida amalga oshira oladi.

Shuningdek ta'kidlanishicha, jangarilar mina maydonlari xaritasini berish va o‘q-dori hamda portlovchi moddalar omborlari qayerda ekanini xabar qilishga rozi bo‘lgan.

Eslatib o‘tamiz, avvalroq Pentagon suriyalik muxolifatchilar IShIDning qancha jangarisini asirda ushlab turganini ma'lum qilgandi.

Tayyorlagan: Отабек Матназаров

#Suriya #Xoms

Suriyada 2011 yilda boshlangan fuqarolar urushi mamlakatni bir necha qismlarga bo‘lib tashlagan. Suriya hukumati, IShID, kurdlar va boshqa turli jangari guruhlar o‘rtasidagi qurolli to‘qnashuvlar hamon davom etmoqda.