AQSh senatorlaridan biri oldindan Trampni o‘z dafn marosimiga chaqirmaslikka qaror qildi

Foto: Getty Images

Amerikalik taniqli senatorlardan biri, miya saratoniga uchragan Jon Makkeynning yaqinlari senator o‘z dafn marosimida AQSh prezidenti Donald Trampni ko‘rishni istamasligini ma'lum qilishdi.

The New York Times nashrining yozishicha, senator bunday qarorga Tramp bilan munosabatlari yaxshimasligi sababli kelgan. Senator Trampning siyosatini keskin tanqid qilib keladi.

Senator Trampning o‘rniga o‘z dafn marosimiga AQSh vitse-prezidenti Mayk Pensni taklif qilgan.

Avvalroq Makkeyn saratoni bilan yana qancha umri qolganini bilmasligini aytgandi.