«Xato bo‘ladi!» - Boris Jonson Eron yadro kelishuvi haqida

Buyuk Britaniya tashqi ishlar vaziri Boris Jonsonning ma'lum qilishicha, Eron yadro dasturi bo‘yicha kelishuvdan voz kechish xato bo‘ladi. Bu haqda The New York Times xabar qilmoqda.

«Eron yadro quroliga hech qachon ega bo‘lmasligiga ishonch beruvchi barcha variantlar orasida aynan shu kelishuv eng oz kamchiliklarga ega», - deya yozgan Jonson nashr uchun mualliflik maqolasida.

Uning so‘zlariga ko‘ra, «yadro kelishuvidan voz kechish va Eronga yuklatilgan cheklovlarni bekor qilish xato bo‘ladi».

Shuningdek, uning ta'kidlashicha, «Eron o‘z yadro dasturi munosabati bilan qo‘yilgan cheklovlar bekor qilinishidan faqat yutadi».

Eslatib o‘tamiz, avvalroq Rossiya tashqi ishlar vaziri Sergey Lavrov AQShning Eron bilan yadro kelishuvidan chiqishi oqibatlari haqida aytgandi.