Trampning maslahatchisi «o‘layotgan» Makkeyn ustidan kuldi

AQSh prezidenti Donald Trampning maslahatchisi Kelli Sedler «o‘layotgan» senator Jon Makkeyn haqida hazil qildi va ko‘pchilikning g‘azabini keltirib chiqardi. Bu haqda The Hill yozmoqda.

Nashr manbasining aytishicha, «hazil» Jina Xaspelni MRB rahbari etib tayinlash bo‘yicha yopiq yig‘ilishda aytilgan. Sedler, xabar berilishicha, Makkeynning fikriga quloq tutish kerak emasligi, sababi u «baribir o‘layotgani»ni ma'lum qilgan.

Ta'kidlanishicha, Trampning maslahatchisi hazil qilmoqchi bo‘lgan, biroq yig‘ilishda qatnashayotganlar bunday hazilni tushunishmadi. Shundan so‘ng Sedler senatorning qizi Megan Makkeynga qo‘ng‘iroq qilib, uzr so‘ragan.

Eslatib o‘tamiz, avvalroq Makkeyn saraton bilan yana qancha yashashini bilmasligini aytgandi.