Bugun, 13 may kuni Angliya premer-ligasida mavsumning oxirgi tur uchrashuvlari o‘tkazildi va mavsum rasman yopildi. Tur o‘yinlari natijalariga ko‘ra, keyingi mavsumda YeChLda ishtirok etadigan 4 jamoa, Yevropa Ligasida ishtirok etadigan 2 jamoa va ligani tark etgan 3 jamoa nomi uzil-kesil aniq bo‘ldi:
Chempionlar Ligasi: «Man Siti», «MYu», «Tottenhem», «Liverpul»;
Yevropa Ligasi: «Chelsi», «Arsenal», «Byornli»;
Chempionship: «Suonsi», «Stok Siti», «Vest Bromvich».
2018/19 yilgi mavsumdan boshlab Angliyaning 4 jamoasi ham YeChLni to‘g‘ridan-to‘g‘ri guruh bosqichida boshlaydi.
«Tottenhem» – «Lester»
Turning gollarga boy o‘yini Londonda «Uembli» o‘yingohida kuzatildi. Unda mezbon jamoa «Tottenhem» «Lester»ga qarshi o‘ynab, 1:3 hisobida ortda bora turib, yakunda 5:4 hisobidagi g‘alabaga erishdi. O‘yinda Vardi va Keyn dubl muallifi bo‘lishdi.
Bu irodali g‘alaba evaziga «shporlar» mavsumni uchinchi o‘rinda yakunladi, «Lester» 9-o‘rindan pastga tushib ketmadi.
Tottenhem – Lester 5:4 (1:2, 4:2)
Gollar: 0:1 – 4 Vardi, 1:1 – 7 Keyn, 1:2 – 16 Mahrez, 1:3 – 47 Ixeanacho, 2:3 – 49 Lamela, 3:3 – 53, avtogol Fuks, 4:3 – 60 Lamela, 4:4 – 73 Vardi, 5:4 – 76 Keyn.
Tottenhem – Loris, Alderveyreld, Rouz, Uoker-Piters, Eriksen, Sissoko (Son Xin Min, 84), Dayyer, Lamela (Sanches, 78), Lukas Moura (Alli, 74), Vanyama, Keyn.
Lester – Yakupovich, Simpson (Chouduri, 56), Fuks, Morgan, Maguayr, Grey (Diabate, 61), Mahrez, Adriyen Silva, Iborra, Vardi, Ixeanacho (Barns, 85).
Ogohlantirishlar: Vanyama (55), Chouduri (83), Adriyen Silva (90).
«Haddersfild» - «Arsenal»
«Arsenal» Angliya Premer-ligasining 38-turida «Haddersfild Taun» mehmoni bo‘ldi. Haddersfilddagi «Jon Smit — Gelfarm» stadionida kechgan uchrashuvda mehmonlar 1:0 hisobidagi g‘alabaga erishdi.
O‘yindagi yagona golga gabonlik futbolchi Per-Emerik Obameyyang mualliflik qildi, u 38-daqiqada Aaron Remsining pasidan keyin to‘pni darvoza to‘riga joyladi. Bu gol uning London jamoasi safida urgan 10-goli bo‘ldi, buning uchun u 13ta o‘yin o‘tkazishi kifoya qildi. Qayd etish kerakki, bu Arsen Venger «Arsenal» bosh murabbiyi sifatida o‘tkazgan oxirgi o‘yin bo‘ldi. Yana bir e'tiborli jihati, «Arsenal» joriy yil boshidan buyon ilk marta APLda safar o‘yinlarida g‘alabaga erishdi va noxush an'anasiga chek qo‘ydi, bungacha 7ta safar o‘yinida bitta ham g‘alaba qayd etilmagandi.
Haddersfild – Arsenal 0:1 (0:1, 0:0)
Gol: 0:1 – 38 Obameyang.
Haddersfild – Lessl, Shindler, Kongolo, Leve, Yorgensen, Xogg (Uaytxed, 87), Pritchard, Ins (Depuatr, 61), Muy, Xaderdjonay, Mune (Billing, 79).
Arsenal – Ospina, Xolding, Kolashinats (Monreal, 68), Belerin, Mustafi, Remzi, Ivobi (Meytlend-Naylz, 72), Mxitaryan, Djaka, Obameyang (Uelbek, 67), Lyakazett.
Ogohlantirish: Yorgensen (90).
«Liverpul» - «Brayton»
«Liverpul» mavsumning oxirgi turida «Brayton»ga qarshi o‘ynadi. Liverpuldagi «Enfild» stadionida kechgan uchrashuv maydon egalarining 4:0 hisobidagi g‘alabasi bilan yakunlandi.
O‘yinning 26-daqiqasida Muhammad Saloh hisobni ochdi. Tanaffus arafasida Deyan Lovren «Liverpul» ustunligini oshirdi. Ikkinchi bo‘limda Dominik Solanke va Endryu Robertson bittadan gol urib, yirik g‘alabani ta'minladi.
Bu g‘alaba evaziga «Liverpul» keyingi mavsumda Chempionlar ligasida ishtirokini kafolatladi. Yurgen Klopp jamoasi mavsumni turnir jadvalidagi 4-o‘rinda yakunladi, «Brayton» – 15-o‘rinda qoldi.
Liverpul – Brayton 4:0 (2:0, 2:0)
Gollar: 1:0 – 26 Saloh, 2:0 – 40 Lovren, 3:0 – 53 Solanke, 4:0 – 85 Robertson.
Liverpul – Karius, van Deyk, Robertson, Aleksander-Arnold, Lovren, Mane (Lallana, 74), Henderson, Saloh (Vudbern, 84), Veynaldum, Firmino (Ingz, 84), Solanke.
Brayton – Rayan, Dank, Bong, Skelotto, Daffi (Goldson, 71), March, Propper, Knokert, Kayyal (Gross, 57), Lokadiya (Myurrey, 57), Stivens.
«Nyukasl Yunayted» – «Chelsi»
«Nyukasl Yunayted» o‘z maydonida «Chelsi»ni qabul qildi. «Sent-Jyeyms Park» stadionida kechgan uchrashuv maydon egalarining 3:0 hisobidagi g‘alabasi bilan yakunlandi. G‘oliblar safida Ayose Peres dublni rasmiylashtirdi, yana bir gol Duayt Geyl nomiga yozildi.
Parallel kechgan uchrashuvda «Liverpul» «Brayton»ni tor-mor keltirgani tufayli mavsum yakunlariga ko‘ra beshinchi o‘rinni egallagan «Chelsi» keyingi mavsumda Yevropa Ligasida ishtirok etadigan bo‘ldi.
Shu tariqa, «Chelsi» 3 yil ichida ikkinchi marta Chempionlar ligasiga yo‘llanma ololmayapti. 2015/16 yilgi mavsumda jamoa 10-o‘rinni egallagan, keyingi mavsumda esa APL chempioni bo‘lgandi. Joriy mavsumda «Chelsi» YeChLning 1/8 finaliga chiqdi va «Barselona» tomonidan to‘xtatildi.
Nyukasl – Chelsi 3:0 (1:0, 2:0)
Gollar: 1:0 – 23 Geyl, 2:0 – 59 Peres, 3:0 – 63 Peres.
Nyukasl – Dubravka, Lassels, Dammett, Yyedlin, Lejyen, Ritchi (Xeyden, 72), Diame (Edara, 87), Shelvi, Merfi, Peres, Geyl (Xoselu, 48).
Chelsi – Kurtua, Aspilikueta, Kristensen, Keyxill, Mozes, Barkli (Villian, 77), Bakayoko, Azar (Pedro, 82), Kante, Emerson, Jiru (Morata, 76).
Ogohlantirish: Bakayoko (62).
«Sauthempton» – «Manchester Siti»
«Manchester Siti» Angliya premer-ligasining oxirgi turida «Sauthempton»ga qarshi o‘ynab, qo‘shimcha daqiqalarning oxirgisida gol urib, 1:0 hisobidagi g‘alabaga erishdi. Bu g‘alabadan keyin jamoa mavsumda yig‘ilgan ochkolari sonini 100 ochkoga yetkazdi. Bu esa premer-liganing yangi rekordidir.
Shuningdek, «Siti» bir mavsumdagi g‘alabalar soni bo‘yicha (32) hamda urilgan gollar soni bo‘yicha (106) ham rekord o‘rnatdi. Xosep Gvardiola shogirdlari mavsum davomida 16 safar uchrashuvida g‘alaba qozondi, bu ham rekord natija hisoblanadi.
Turnir jadvalida ikkinchi o‘rinni «Siti»dan 19 ochko ortda qolgan «Manchester Yunayted» egalladi - rekord. Bu borada avvalgi rekordchi jamoa «Manchester Yunayted» bo‘lgandi (18 ochkolik farq), o‘shanda 1999/2000 yilgi mavsumda manchesterliklar 91 ochko bilan birinchi o‘rinni egallagan, eng yaqin ta'qibchi «Arsenal»da 73 ochko bor edi.
Sauthempton – Manchester Siti 0:1 (0:0, 0:1)
Gol: 0:1 – 90 Gabriel Jyezus.
Sauthempton – Makkarti, Stivens, Xudt, Bertran (Makkuin, 81), Yosida, Romeu, Tadich, Redmond (Uord-Prouz, 64), Xeyberg, Soaresh, Ostin (Long, 64).
Manchester Siti – Bravo, Laport, Stounz, Danilo, Bernardu Silva (Braim Dias, 78), de Bryuyne, Sterling, Gyundogan (Foden, 82), Sane, Fernandino, Delf (Gabriel Jyezus, 59).
Ogohlantirishlar: Uord-Prouz (71), Soaresh (90), Xeyberg (90), Gabriel Jyezus (90).
«Manchester Yunayted» – «Uotford»
Oxirgi tur natijasi ahamiyatsiz bo‘lgan «Manchester Yunayted» «Uotford»ni qabul qildi va kichik hisobdagi g‘alabaga erishdi.
O‘yindagi yagona gol Mataning pasidan unumli foydalangan Markus Reshford tomonidan urildi. Bu o‘yin «qizil iblislar» jamoasining ko‘p yillik futbolchisi, 2008 yilgi Chempionlar ligasida g‘olib bo‘lgan tarkibning oxirgi vakili Maykl Kerrik uchun oxirgi o‘yin bo‘ldi.
Joze Mourino shogirdlari mavsum yakuniga ko‘ra turnir jadvalini ikkinchi o‘rinda yakunladi va keyingi mavsumda YeChLda ishtirok etadigan bo‘ldi, «Uotford» 14-o‘rinda qoldi.
Manchester Yunayted – Uotford 1:0 (1:0, 0:0)
Gol: 1:0 – 34 Reshford.
Manchester Yunayted – Romero, Bayi, Blind (Errera, 77), Roxo, Darmian, Kerrik (Pogba, 85), Yang (Shou, 60), Mata, Maktomini, Sanches, Reshford.
Uotford – Gomes, Ketkart, Xolebas, Yanmat, Kabasele (Mariappa, 21), Xyuz, Dukure, Deulofeu (Dini, 63), Pereyra, Risharlison, Grey (Chaloba, 72).
Ogohlantirishlar: Roxo (9), Yang (58), Maktomini (68), Shou (90).
«Suonsi» – «Stok Siti»
«Suonsi Siti» Angliya Premer-ligasining 38-turida «Stok Siti»dan mag‘lub bo‘ldi. Suonsidagi «Liberti» stadionida kechgan uchrashuvda mehmonlar jamoasi 1:2 hisobidagi g‘alabaga erishdi. O‘yinning 14-daqiqasida «Suonsi» himoyachisi Endi King hisobni ochdi, 31-daqiqada «Stok» yarim himoyachisi Pap Aliune N’Diayye hisobni tenglashtirdi, tanaffus arafasida Piter Krauch g‘alaba goli muallifi bo‘ldi.
Mavsum yakunlariga ko‘ra, mos ravishda 18 va 19-o‘rinlarni egallagan «Suonsi» va «Stok Siti» Chempionshipga ravona bo‘ldi.
Suonsi – Stok Siti 1:2 (1:2, 0:0)
Gollar: 1:0 – 14 King, 1:1 – 31 Ndiayye, 1:2 – 41 Krauch.
Suonsi – Fabianski, van der Xorn, Olsson, Ranxel, Mouson, Kerroll, King (Britton, 58), Rautledj (Abraxam, 57), Dayyer (Klukas, 68), Ayyu, Ayyu.
Stok Siti – Batlend, Zuma, Piters, Bauer, Shoukross, Allen (Fletcher, 8), Ndiayye, Sorensen (Ayrlend, 76), Shakiri, Diuf, Krauch.
Ogohlantirishlar: van der Xorn (36), Krauch (56), Bauer (66).
«Kristal Pelas» – «Vest Bromvich»
«Kristal Pelas» o‘tgan turdayoq ligani tark etib bo‘lgan «Vest Bromvich»ni mag‘lubiyatga uchratib (2:0) turnir jadvalida oxirgi o‘ringa tushirib yubordi. O‘yindagi gollar ikkinchi bo‘lim oxirida Vilfrid Zaa va van Anholt tomonidan urildi. «Vest Bromvich» mavsumning oxirgi qismini ko‘tarinki ruhda o‘tkazgan, 6 uchrashuvda 4 g‘alaba qayd etilgan va jamoa ligada qolish uchun imkoniyat hosil qilgan, jamoa bosh murabbiyi aprel oyining eng yaxshi murabbiyiga aylangandi. Ammo o‘tgan haftada «Sauthempton» «Suonsi»ni mag‘lubiyatga uchratib, 17-o‘rinni mustahkamladi va «Vest Bromvich»dan yetarli darajada uzoqlashib ketib, bu jamoani muddatidan avval chempionshipga ravona qilgandi.
Kristal Pelas – Vest Bromvich 2:0 (0:0, 2:0)
Gollar: 1:0 – 70 Zaa, 2:0 – 78 van Anxolt.
Kristal Pelas – Xennessi, Sako, Tomkins, van Anxolt (Suare, 82), Uan-Bissaka, Zaa, Makartur (Benteke, 68), Taunsend (Li Chun Yun, 85), Milivoyevich, Loftus-Chik, Kabay.
Vest Bromvich – Foster, Douson, Gibbs, Nom, Xegazi, Livermor, Kryxovyak (Shadli, 62), Brant, Makkleyn, Rodriges (Starridj, 73), Rondon (Robson-Kanu, 71).
Ogohlantirishlar: Brant (45), Tomkins (48), Douson (55), Makartur (68), Gibbs (81).
«Byornli» – «Bornmut»
«Byornli» uchun bu o‘yin natijasi ahamiyatsiz edi, jamoa har qanday natija qayd etilsa ham 7-o‘rindan yuqoriga ko‘tarila olmas va quyiga sho‘ng‘imasdi. Shunga qaramasdan, Shon Daych shogirdlari o‘yinga jiddiy yondashishgandi va mezbonlar birinchi bo‘lib hisobni ochishdi, jamoa to‘purari Vud tanaffusga jamoasini g‘olib holda olib chiqdi, ammo ikkinchi bo‘limning ikkinchi qismida King va Uilson bittadan gol urib, Eddi Hau jamoasi safardan 3 ochko bilan qaytishini ta'minladi - 1:2.
Byornli – Bornmut 1:2 (1:0, 0:2)
Gollar: 1:0 – 39 Vud, 1:1 – 74 King, 1:2 – 90 Uilson.
Byornli – Poup, Uord, Long, Tarkovski, Louton, Kork, Lennon (Maknil, 90), Gudmundsson (Uells, 80), Vestvud, Xendrik, Vud (Vouks, 61).
Bornmut – Begovich, Ake, Kuk, Mingz (Defo, 66), Deniels, Xayndmen (Gosling, 59), Serman, Ayb, Freyzer, King, Musse (Uilson, 59).
«Vest Hem» – «Everton»
Bu uchrashuv oldidan ikki jamoa ham «xavfli zona»dan yiroq edi va intriga faqat qaysi jamoa mavsumni nechanchi o‘rinda yakunlashida edi. Tur oldidan «Vest Hem» 39 ochko bilan 15-o‘rinda, «Everton» 49 ochko bilan 8-o‘rinda edi. Uchrashuv mezbonlarning to‘liq ustunligida kechdi va 3:1 hisobidagi g‘alaba qayd etildi. Tur uchrashuvlari yakunlangach, «Vest Hem» turnir jadvalida «Brayton» va «Uotford»ni quvib o‘tib, 13-o‘ringa joylashdi va klub g‘aznasi qo‘shimcha bonuslar bilan boyidi (har bir yuqori o‘rin uchun 2 million funtlik bonus), «Everton» o‘rnidan qimirlamadi.
Vest Hem – Everton 3:1 (1:0, 2:1)
Gollar: 1:0 – 39 Lansini, 2:0 – 63 Arnautovich, 2:1 – 74 Nyasse, 3:1 – 82 Lansini.
Vest Hem – Adrian, Kressuell (Kollinz, 88), Masuaku (Fernandesh, 21), Sabaleta, Ogbonna, Joau Mariu, Kuyate, Lansini (Obiang, 86), Nobl, Arnautovich, Rays.
Everton – Pikford, Djagelka, Kin, Beyns, Funes Mori (Klassen, 46), Guyye, Devis (Bolazi, 83), Shnayderlin, Koulmen, Nyasse, Tosun (Uolkott, 61).
Ogohlantirishlar: Funes Mori (16).
Yakuniy turnir jadvali
