«Barselona» yana bir fransiyalik futbolchi sotib oladi

«Sevilya» himoyachisi Kleman Langle yozgi transferlar vaqtida «Barselona» safiga o‘tadi.

Mundo Deportivo manbasi ma'lumotiga ko‘ra, katalonlar klubi sevilyaliklar bilan ushbu fransiyalik futbolchi transferi borasida kelishuvga erishgan.

«Barselona» Langle uchun belgilangan badal pulini – 35 million yevroni to‘lashga tayyor.

2016 yildan buyon Ispaniya chempionatida to‘p surib kelayotgan futbolchining o‘zi ham katalonlar bilan 5 yillik shartnoma tuzishga tayyor. 

Ayni vaqtda 22 yoshda bo‘lgan Langle joriy mavsumda «Sevilya» safida 34 o‘yinda maydonga tushib, 3 gol urgan va bir golga pas bergan.