AQSh prezidenti Donald Tramp AQShning Eron bilan yadroviy kelishuvdan chiqishi Suriyadagi vaziyatni barqarorlashtirishga yordam berganini ma'lum qildi. Bu haqda CNN telekanali xabar berdi.
“Aslida biz yadroviy kelishuvdan chiqib Suriyadagi vaziyatni barqarorlashtirishga yordam bermoqdamiz”, deb aytgan Tramp.
U ushbu kelishuvni AQSh uchun “rasvo” kelishuv ekanini aytgan.
Tramp Suriya barqarorlashib, “u yerdagi dahshat shousi tugashiga” umid bildirgan.
Tramp AQShning yadroviy kelishuvdan chiqishini 8 may kuni e'lon qilgandi.
