«Барселона» ярим ҳимоячиси Андрес Иньеста фаолиятини Японияда давом эттиради.
Sports Houchi тарқатган хабарга кўра, ушбу испаниялик футболчи «Виссел Кобе» клуби билан шартнома борасида келишиб олган.
Испания чемпионатининг 38-турида «Реал Сосьедад»га қарши кечадиган учрашув якунланиши биланоқ Иньеста Японияга учиб кетади.
Унга «Барселона»га ҳомийлик қилаётган Rakuten компанияси президенти Хироши Микитани ҳамроҳлик қилади, у «Виссел Кобе» клубининг ҳам хўжайини ҳисобланади.
Иньеста кейинги ҳафта бошида, душанба куни янги клуби билан шартнома имзолаши кутилмоқда.
