Intellektual mulk agentligi mualliflik huquqi buzilishi uchun jarimani keskin oshirish taklifi bilan chiqdi

Intellektual mulk agentligi mualliflik huquqining buzilishi uchun jarimani bir necha barobarga oshirish taklifi bilan chiqdi. Tegishli qonun loyihasi normativ-huquqiy hujjatlarning muhokamasi portalida e'lon qilindi.

Agentlik Ma'muriy javobgarlik to‘g‘risidagi kodeksga, xususan, 277-modda («Tovar belgisi yoki xizmat ko‘rsatish belgisi egasining huquqlarini buzilishi»)ga o‘zgartirish kiritish taklifi bilan chiqdi.

Hozirda jazo fuqarolarga EKIHning 1 barobaridan 3 barobarigacha, mansabdor shaxslarga esa - 3 barobaridan 5 barobarigacha jarima solinishini nazarda tutadi.

Qonun loyihasi fuqarolar uchun jarima miqdorini EKIHning 5 barobaridan 10 barobarigacha, mansabdor shaxslarga esa - 10 barobaridan 20 barobarigacha o‘zgartirishni taklif qilmoqda.

Jarima solinganidan so‘ng bir yil davomida takroran sodir etilgan huquqbuzarlik uchun – fuqarolarga EKIHning 10 barobaridan 20 barobarigacha, mansabdor shaxslarga – 20 barobaridan 30 barobarigacha.

Bundan tashqari, Agentlik kodeksni ikkita yangi modda bilan to‘ldirishni taklif qilmoqda:

•  Mualliflik huquqi va turdosh huquqlarning buzilishi (177-1) – fuqarolarga jarimalar EKIHning 1 barobaridan 5 barobarigacha, mansabdor shaxslarga – 5 barobaridan 10 barobarigacha, musodara etish bilan. Takroriy qonun buzilishi uchun – 5 barobardan 10 barobargacha, mansabdor shaxslarga – 10 barobardan 20 barobargacha.
•  Ixtiro, foydali model, sanoat namunasiga huquqlarning buzilishi (177-1) – fuqarolarga jarima EKIHning 5 barobaridan 10 barobarigacha, mansabdor shaxslarga – 10 barobardan 20 barobargacha. Takroriy buzilish uchun – EKIHning 10 barobaridan 20 barobarigacha, mansabdor shaxslarga – 20 barobardan 30 barobargacha.

Qonun loyihasini 6 iyun kunigacha muhokama qilish mumkin. 28 avgust kuni kuchga kirishi rejalashtirilgan.