Unai Emeri «Arsenal»ga bosh murabbiy bo‘lganini e'lon qildi

«Spartak», «Sevilya» va «PSJ» sobiq bosh murabbiyi Unai Emerining rasmiy sayti mutaxassis «Arsenal» bosh murabbiyiga aylangani haqida xabar berdi.

«Arsenal» oilasining bir qismiga aylanganimdan faxrlanaman», - deyiladi xabarda. Shundan so‘ng sayt ishlashdan to‘xtagan.

Avvalroq, Emerining London klubi bilan shartnomasi uch yilga mo‘ljallangan bo‘lishi haqida xabarlar tarqalgandi. 46 yoshli ispaniyalik murabbiyning ish haqi yiliga 5 mln funt sterlingni tashkil qiladi.

Emeri so‘nggi ikki yil davomida «PSJ» bosh murabbiyi sifatida ishladi va klubni joriy mavsum yakunida tark etdi.