Tramp AQSh adliya vaziriga «Rossiya ishi» bo‘yicha talab qo‘ygan

AQSh prezidenti Donald Tramp mamlakat adliya vaziri Jyeff Seshnsdan 2016 yilgi prezidentlik saylovlariga Rossiya aralashuvi bo‘yicha surishtiruv ishlarida ishtirok etish haqida shaxsan so‘ragan. Bu haqda The New York Times yozmoqda.

Nashr ma'lumotlariga ko‘ra, Tramp Seshnsning Rossiya bilan aloqador istalgan surishtiruvlarda qatnashmaslik bo‘yicha qarori haqida eshitib, adliya vaziridan o‘z fikrini o‘zgartirishni talab qilgan.

Qayd etilishicha, Seshns prezidentning «buyrug‘ini» bajarishdan bosh tortdi.

Shu bilan birga, manbalar so‘ziga ko‘ra, Rossiya aralashuvi bo‘yicha surishtiruv ishlarini olib borayotgan AQSh maxsus prokurori Robert Myuller bu holat bilan jiddiy qiziqib qolgan.

Eslatib o‘tamiz, avvalroq Myuller Trampning kuyovini 7 soat so‘roq qilgani xabar berilgandi.