Qozog‘istonda 21 ta ko‘prikli Katta Olmaota avtomobil halqa yo‘li qurilishi boshlandi 

Qozog‘istonda Katta Olmaota avtomobil halqa yo‘li qurilishi (BAKAD) boshlandi. Loyihaga start berish marosimida Qozog‘iston bosh vaziri o‘rinbosari Asqar Mamin, investitsiyalar va rivojlanish vaziri Jyenis Qosimbek, Turkiyaning Olmaotadagi bosh konsuli Rizo Kagan Yilmaz va yana ko‘plab yuqori martabali shaxslar ishtirok etdi.

Qurilish Turkiya va Janubiy Koreya kompaniyalarining qo‘shma loyihasi asosida olib boriladi. 

BAKAD konsorsiumi bosh direktori va Alarko kompaniyasi vitse-prezidenti Abbos Shaxin halqa yo‘li Qozog‘istonning eng yaxshi yo‘li bo‘lishini aytgan.

Qurilish doirasida 21 ta ko‘prik, 19 ta yo‘l o‘tkazgich, 8 ta yo‘l ayirgich, muhandislik tarmoqlari qurish rejalashtirilgan. Yo‘l bo‘ylab harakatlanish uchun haq olish mo‘ljallanmoqda.