Tramp maxsus prokuror Myuller bilan qanday shartda uchrashishi aytildi

AQSh prezidenti Donald Tramp advokati Rudolf Julianining ma'lum qilishicha, mamlakat yetakchisi Qo‘shma Shtatlardagi prezidentlik saylovlariga Rossiya aralashuvi bo‘yicha ish yuzasidan surishtiruvlar olib borayotgan maxsus prokuror Robert Myuller bilan uchrashishi mumkin. Bu uchrashuv qisqa vaqt davom etadigan bo‘lsa, yuz beradi, deb xabar qilmoqda ABC News.

«Agarda ular bizni bu muloqot qisqa, taxminan besh yoki olti banddan iborat bo‘lishiga ishontira olishsa, unda biz ham bunga rozi bo‘lishimiz mumkin», - deya aytib o‘tdi Juliani.

Uning so‘zlariga ko‘ra, Tramp Myullerga intervyu berishga tayyor, biroq, uning advokatlari buni qilmaslikni maslahat bermoqda.

Eslatib o‘tamiz, avvalroq Trampni «Al-Qoida» yetakchisi bilan taqqoslashgandi.