«Endi jim o‘tirmaymiz» - Germaniya AQSh bilan munosabatlar haqida

Germaniya tashqi ishlar vaziri Xayko Maasning ma'lum qilishicha, GFR endi AQSh bilan o‘zaro munosabatlardagi ziddiyatlar haqida jim turmaydi.

«Bizda o‘zaro munosabatlarda ma'lum bir ziddiyatlar bor, ular haqida endi faqat ochiq gapiramiz», - deya aytib o‘tdi u Suddeutsche Zeitung gazetasiga bergan intervyusida.

Uning so‘zlariga ko‘ra, gap, xususan, Vashingtonning iqlim bo‘yicha kelishuvdan chiqishi, Eron yadroviy bitimidan voz kechishi hamda po‘lat va alyuminiyga bojlar joriy etishiga aloqador masalalar haqida boryapti.

Diplomatning fikricha, bu bir tomonlama qarorlar Yevropaga ziyon yetkazmoqda hamda AQSh prezidenti Donald Tramp ularga oldindan bilgan holda bormoqda.

Eslatib o‘tamiz, avvalroq Germaniya kansleri Angela Merkel Yevropani «o‘zgarayotgan dunyoda» qat'iylikka chaqirgandi.