Kim Chen Inning Singapurga qachon kelishi aytildi

Shimoliy Koreya yetakchisi Kim Chen In Singapurdagi Changi aeroportiga yakshanba, 10 iyun kuni yetib keladi. Bu haqda Reuters tayyorlanayotgan safardan xabardor bo‘lgan manbaga asosan ma'lum qildi.

Ta'kidlanishicha, 8 iyun kuni Singapurdagi Payya Lebar aviabazasida Amerika aviatsiya floti joylashtirilganiga doir suratlar paydo bo‘lgan. Ular orasida oq tomga ega vertolyot surati ham bor, u, odatda, AQShning yuqori mansabli amaldorlarini olib o‘tish uchun foydalaniladi.

Sammitda ishtirok etayotgan tomonlar safarga oid o‘z rejalarini ochiqlamayapti.

Singapur Fuqarolik aviatsiyasi boshqarmasi esa bu ma'lumotni hozircha tasdiqlamagan.

Eslatib o‘tamiz, avvalroq KXDR Singapurda Kim Chen In uchun limuzin qidirayotgani xabar berilgandi.