Ukrainalik general: Rossiya hammasini qaytaradi

Ukraina BMT Xalqaro sudiga taqdim etilgan Rossiyaga qarshi memorandumdan «aniq manfaat» oladi. Bu haqda Ukraina qurolli kuchlari bosh shtabi rahbari sobiq o‘rinbosari, general-leytenant Igor Romanenko «Apostrof» nashriga bergan intervyusida ma'lum qildi.

U memorandumni rossiyaliklar uchun «sovg‘a» deb atab, unda «Ukrainaga qarshi katta siyosatni yo‘qqa chiqarish imkonini beruvchi» jihatlar borligini bildirdi.

Shuningdek, Romanenkoning ma'lum qilishicha, «Gazprom» Kiyevga 2 mlrd dollarni «ertami yoki kech» beradi. Uning so‘zlariga ko‘ra, «bu yerdagi manfaat aniqdir».

«Ular bizga barchasini ertami yoki kech qaytaradi», - deya aytib o‘tdi Romanenko.

Ukrainalik generalning ta'kidlashicha, Ukraina bu vaziyatda barcha yo‘nalishlar bo‘yicha harakat qilishi lozim.

Avvalroq, Ukraina prezidenti Pyotr Poroshenko Haagadagi Xalqaro sudga memorandum topshirilgani, unda Rossiya tomoni Terrorizmni moliyalashtirishga qarshi kurashish to‘g‘risidagi konvensiya va Irqiy kamsitishni tugatish to‘g‘risidagi konvensiyani buzayotgani aytilgani haqida xabar bergandi.

Eslatib o‘tamiz, bundan avval ukrainalik deputat Rossiyani qanday qilib mag‘lub etish mumkinligini aytgandi.