AQSh Inson huquqlari bo‘yicha kengashga qanday shartda qaytishi ma'lum bo‘ldi

AQShning BMTdagi doimiy vakili Nikki Xeyli so‘zlariga ko‘ra, Qo‘shma Shtatlar Inson huquqlari bo‘yicha kengashga (IHK), agarda tashkilotni isloh qilish amalga oshirilsa, qaytadi. Bu haqda RIA «Novosti» xabar bermoqda.

Doimiy vakilning ta'kidlashicha, AQSh IHKdan chiqqaniga qaramay, inson huquqlari masalalari bilan shug‘ullanishda davom etadi.

«Biz Inson huquqlari bo‘yicha kengashni isloh etishga faol ravishda chaqiramiz. Agarda islohot ro‘y bersa, biz unga yana qo‘shilishdan xursand bo‘lamiz», - deya ma'lum qilgan Xeyli.

Eslatib o‘tamiz, avvalroq AQSh davlat kotibi Mayk Pompeo BMTning Inson huquqlari bo‘yicha kengashi faoliyati so‘nggi vaqtlarda «sharmandali ikkiyuzlamachilik» misoliga aylanib qolgani haqida ma'lum qilgandi.