Shimoliy Koreyada Amerikaga qarshi targ‘ibot to‘xtatildi

KXDRning barcha hududida o‘rnatilayotgan yangi plakatlar “urush tahdidiga” kurashish maqsadida sobiq dushmanlar bilan yaqinlashishga chaqirmoqda.

Guvohlarning xabar berishicha, KXDRning qurolsizlantirilgan hududida Amerikaga qarshi kayfiyatdagi plakatlar, markalar va otkritkalarni topish qiyinlashgan, ular avval istalgan suvenir do‘konida juda ko‘plab bo‘lardi.

Seul milliy universitetidan bildirishlaricha, Amerikaga qarshi kayfiyat shunchaki yo‘qolib qolgan.

Ekspertlar fikricha, bu juda yaxshi belgi bo‘lib, u KXDR haqiqatdan ham xalqaro hamjamiyat bilan yaqinlashishga urinayotganidan darak beradi.

KXDRda targ‘ibot-tashviqot ishlari hal qiluvchi ahamiyatga ega, sababi mamlakat fuqarolari erkin axborot manbalariga kira olmaydi.