Rahmat Oqilov umrbod qamoq jazosini Shvetsiyadagi eng qattiq tartibli qamoqxonada o‘taydi

Asli kelib chiqishi o‘zbekistonlik bo‘lgan, Stokgolmdagi terakt bo‘yicha ish yuzasidan umrbod ozodlikdan mahrum etilgan Rahmat Oqilov muddatni Kumla qamoqxonasining maxsus bo‘limida o‘taydi.

Huquqni muhofaza qilish idoralari fikriga ko‘ra, Oqilov qochishga urinishi mumkin, shu sababli u Shvetsiyadagi eng qattiq tartibli qamoqxonaga joylashtirildi.

Shuningdek, uning boshqa mahbuslar bilan muloqoti cheklanadi, sababi u zo‘ravonlik bo‘yicha o‘z qarashlari bilan ularga ta'sir o‘tkazishi mumkinligiga doir xavflar bor, deb xabar qilmoqda SVT telekanali.

Iyun oyida Stokgolm sudi Oqilovni besh kishining o‘limi va 119 kishini o‘ldirishga urinishda aybdor, deb topdi.