O‘zbekiston va Belarus tibbiyot mahsulotlari ishlab chiqarish bo‘yicha qo‘shma korxona tashkil etmoqchi

O‘zbekiston va Belarus tibbiyot mahsulotlari ishlab chiqarish bo‘yicha qo‘shma korxona tashkil etish masalalarini muhokama qilmoqda. Bu haqda Belarus Sog‘liqni saqlash vazirligi Iqtisodiyot va marketing boshqarmasi boshlig‘i - Farmatsevtika sanoati departamenti direktori o‘rinbosari Viktor Shein ma'lum qildi, deb yozmoqda BelTA.

O‘zbekistonda hozirgi vaqtda «Belfarmprom» xoldingi va infuzion-transfuzion sistemalar, qon quyish uchun asboblar, zondlar, drenaj qurilmalari va dializ uchun boshqa tibbiyot mahsulotlari ishlab chiqaruvchi Borisov tibbiy preparatlar zavodining sho‘'ba korxonasi - «Frebor» UK rahbariyati qo‘shma korxona bo‘yicha muzokaralar olib bormoqda.

«O‘zbekistonda qo‘shma ishlab chiqarishni tashkil etish shaklida quvvatlarning bir qismini ko‘chirishni rejalashtirmoqdamiz», - dedi Viktor Shein. 

Uning ta'kidlashicha, Belarus tomoni boshqa mamlakatlar, masalan, Gruziya va Tojikiston bozorlarida ham shunday sxemada ishlashni rejalashtirgan.