Ukrainaning uch nafar fuqarosi kiberhujumlar va Fin7 xakerlik guruhiga aloqadorlikda gumonlanib hibsga olindi. Ular AQSh so‘roviga ko‘ra Yevropada qo‘lga olingan. Bu haqda Amerika adliya vazirligi saytida xabar qilindi.
Ular 44 yoshli Dmitriy Fedorov, 33 yoshli Fedor Gladir va 30 yoshli Andrey Kopakov bo‘lib, biri Polsha, ikkinchisi Germaniya, uchinchisi Ispaniyada qo‘lga olingan. Gladira AQShga topshirilgan.
Vazirlikning bildirishicha, Fin7 a'zolari 2015 yildan buyon AQShdagi 100dan ortiq muassasalar, asosan restoran, mehmonxona va o‘yin muassasalari kompyuter tizimlarini buzib kirishgan. Ular mijozlarning millionlab kredit va debet kartalari raqamlarini o‘g‘irlashgan hamda uchinchi shaxslarga sotishgan. Bundan tashqari, xakerlar hujumidan Buyuk Britaniya, Avstraliya va Fransiyadagi muassasalar ham jabr ko‘rgan.
