KXDRga qarshi sanksiyalar qachon bekor qilinishi mumkinligi aytildi

AQSh davlat kotibi Mayk Pompeo va Janubiy Koreya tashqi ishlar vaziri Kan Gen Xva ASEAN sammiti doirasida uchrashuv o‘tkazdi. Bu haqda «Ryonxap» xabar bermoqda.

Agentlik ma'lumotiga ko‘ra, tomonlar Koreya yarim orolining yadrosizlanishi va KXDRga qarshi sanksiyalarni muhokama qilishdi.

Ta'kidlanishicha, Kan Gen Xva va Pompeo KXDRga qarshi sanksiyalar Shimoliy Koreya butunlay yadrosizlanmaguniga qadar amal qilishi kerakligini tasdiqlaganlar.

Eslatib o‘tamiz, avvalroq Xitoy tashqi ishlar vaziri Van I hech bir mamlakat Koreya yarim orolida urush qayta boshlanishini istamasligini ma'lum qilgandi. 

Uning so‘zlariga ko‘ra, KXDR va Janubiy Koreya ham, AQSh ham urushning takrorlanishini xohlamaydi.