Toshkentda qurilish sohasi xodimlari kuniga bag‘ishlangan «Bazalt armatura. Innovatsion materiallar. Qurilishda tejamkorlik» mavzusida konferensiya bo‘lib o‘tdi.
Konferentsiyada O‘zbekiston qurilish vazirligi, innovatsion rivojlanish vazirligi, «Qishloq qurilish invest» injiniring kompaniyasi, «O‘zqurilishmateriallari» AJ, geologiya va mineral resurslari Davlat qo‘mitasi, shahar va tuman hokimiyatlari, loyiha boshqarmalari, yetakchi qurilish kompaniyalarining vakillari qatnashdilar.
Tadbir 2017 yilning dekabr oyida Jizzaxda bazalt tola va armatura ishlab chiqaradigan Basalt zavodini ishga tushirgan Mega Invest Industrial qo‘shma korxonasi tomonidan tashkil etildi.
Bu O‘zbekistonda bazalt armatura ishlab chiqaradigan birinchi zavod. 200 nafar xodim ishlaydigan zavodning umumiy maydoni 10 000 kvadrat metrdan iborat. Ushbu zavod yiliga 3 000 tonna bazalt tolasi ishlab chiqarish quvvati ega. 2018 yilning fevral oyidan beri zavod 720 tonna armatura ishlab chiqardi.
Bazalt tolasining 80% armatura ishlab chiqarishga yo‘naltiriladi, qolgan 20% qurilish uchun zarur bo‘lgan boshqa mahsulotlar barpo etishga sarflanadi. Basalt zavodiga qilingan investitsiyalar hajmi 54 mln. AQSh dollarini tashkil etdi.
Bazalt zavodini ishga tushirishdan ilgari bozordagi vaziyat chuqur tahlil qilindi, innovatsion armaturaga xomashyo bo‘lgan bazalt konlari o‘rganildi.
O‘zbekistonda mavjud bo‘lgan uchta bazalt konlaridan ikkitasi, aynan zavod qurilgan Jizzax viloyati hududida joylashgan. «Shaksiz innovatsion xususiyatlarga ega bo‘lgan sifatli bazalt armatura chiqarishga aynan shu javhari o‘ziga xos xususiyatlari bilan to‘g‘ri keladi», - dedi Mega Invest Industrial tijorat masalalari bo‘yicha direktori Ramir Axmediyev.
Konferentsiyada so‘zga chiqqan Axmediyev yangi mahsulot qurilish bozorida doimo shubhali tuyulishi, shu sabab, Basalt zavod ishga tushirilgan kundan boshlab mutaxassislar va bo‘lg‘usi mijozlar orasida bazalt armatura sifatlari va innovatsion xususiyatlari to‘g‘risida tushuntirish ishlarini olib borayotganini ta'kidlab o‘tdi.
Konferentsiyada «O‘zqurilishmateriallari» AJ eksperti Bahodir Kenjayev, Qurilish vazirligi eksperti va Toshkent Arxitektura va qurilish instituti katta o‘qituvchisi
