Professional ringda mag‘lubiyat nimaligini bilmay kelayotgan o‘zbekistonlik bokschi Ulug‘bek Sobirov faoliyatidagi yettinchi jangini Tailandning Bangkok shahrida o‘tkazdi, deb xabar bermoqda Jismoniy tarbiya va sport vazirligi.
8 raund etib belgilangan to‘qnashuvda u mezbon bokschi Teravat Yoxangoxga (19-8-0, KO13) qarshi ringga ko‘tarildi. Jangni faol boshlagan sportchimiz ikkinchi raundga kelib to‘liq ustunlikka ega bo‘ldi va raqibini nokautga uchratib, mag‘lubiyatsiz seriyasini davom ettirdi.
Joriy yilning 29 iyulida u filippinlik Dennis Padua (11-15-2, KO6) bilan kuch sinashib, jangning birinchi raundidayoq raqibini ringga qulatgan.
Eslatib o‘tamiz, bungacha o‘tkazilgan 6 jangda Ulug‘bek barchasini g‘alaba bilan yakunlagan va 4 tasida nokaut qayd etgan edi.
