Kreml AQSh sanksiyalari bo‘yicha ogohlantirish bilan chiqdi

Rossiya prezidenti matbuot kotibi Dmitriy Peskovning ma'lum qilishicha, AQShning Rossiyaga qarshi sanksiyalari butun xalqaro savdoga putur yetkazishi mumkin. Bu haqda RIA «Novosti» xabar bermoqda.

Uning so‘zlariga ko‘ra, Kremlda «katta e'tibor» bilan sanksiyalar to‘g‘risidagi qonun loyihasini o‘rganib chiqdilar.

«Bizning fikrcha, bu xalqaro huquq nuqtai nazaridan noqonuniy va nodo‘stona harakatlarning davom etishi», - dedi Peskov. U Rossiya rejalashtirilgan yangi cheklovlarga qanday munosabatda bo‘lishi haqidagi savolga javob bergan.

Peskovning so‘zlariga ko‘ra, «bunday cheklovlar, albatta, butun xalqaro savdoga yomon ta'sir qiladi».

Shu bilan birga, u Kremlning javob reaksiyasi masalasida shoshilinch xulosa chiqarmaslikka chaqirdi.