Tramp Kim Chen In bilan qayta uchrashish niyatida ekanini ma'lum qildi

Amerika prezidenti Donald Trampning ma'lum qilishicha, Shimoliy Koreya rahbari Kim Chen In bilan yana bir bor uchrashish niyatida. Siyosatchi bu haqda Reuters’ga bergan intervyusida aytdi.

Trampning fikriga ko‘ra, KXDR bilan muzokaralarda «ko‘plab yaxshi narsalar sodir bo‘ladi».

«Katta ehtimol bilan, biz uchrashamiz, ammo bu masala yuzasidan izoh berishni istamayman», - deya aytib o‘tdi Tramp.

Uning qo‘shimcha qilishicha, Kim Chen In bilan «ajoyib» shaxsiy munosabatlarga ega.

Eslatib o‘tamiz, avvalroq Kim Chen In «mo‘'jizalar tarixi» haqida gapirib bergandi.