New Life Medical klinikasi saratonni ilk davrida aniqlash uchun O‘zbekistonda birinchi pozitron-emissiya tomografiyasi markazini ochdi

Shanba, 11 avgust kuni Toshkentda New Life Medical'ning Pozitron-emissiya tomografiya Markazi ochilishi bo‘lib o‘tdi. Kompaniyaning asosiy yo‘nalishi – yangi uskunalarda eng zamonaviy va innovatsion usullar bilan onkologik kasalliklarga tashxis qo‘yishdan iborat.

Yadro tibbiyot markazi saraton kasalligining erta davrida tashxis qo‘yish, kasallik bosqichlarini aniqlash, shuningdek o‘tkazilayotgan davolash samaradorligini kuzatib borishga qodir bo‘lgan GE 128 Discovery MI DR PET/KT uskunasiga ega.

Bemorlarni tekshiruvdan o‘tkazish bevosita maxsus radioizotop farmakologik preparat  yordamida amalga oshiriladi.  O‘z tuzilishiga ko‘ra standart glyukozaga yaqin bo‘lgan ushbu universal preparat barcha  o‘sma hujayralarida faol to‘planish xususiyatiga ega bo‘lib, uning yarim parchalanish davri 108 daqiqani tashkil qiladi.

Ushbu preparat inʼeksiya yo‘li bilan tanaga kiritilgandan so‘ng asosan o‘sma hujayralarida to‘planganligi sababli, PET/KT uskunasida o‘sma tasvirini yuqori sifatli darajada ko‘rish imkoniyati tug‘iladi.

Preparat qisqa hayot kechiruvchi izotop bulib, yarim parchalanish davri 108 daqiqaga ega. Bemor tanasida parchalanib, bir sutka davomida butunlay yo‘q bo‘ladi hamda organizmdan ayiruv tizimi orqali chiqarib yuboriladi.  Yadro tibbiyot markaziga  o‘rnatilgan PET/KT uskunasida bemor tanasini boshidan-oyog‘igacha 20 daqiqa davomida batamom tekshirish imkonini beradi va bu boshqa PET-skanerlar bilan solishtirilganda sezilarli ravishda tezroq amalga oshiriladi.

Dunyoda har kuni minglab bemorlar PET/KTda tekshiruvlardan o‘tishadi. Rasmiy ma'lumotlarga ko‘ra, bugungi kunda O‘zbekistonda onkologik kasallikka duchor bo‘lgan 120 mingdan ziyod bemorlar ro‘yxatga olingan. Ularning uchdan bir qismi har yili PET/KT uskunasida tekshiruvdan o‘tish uchun xorijiy davlatlarga borishadi. Mazkur tekshiruvni New Life Medical klinikasida amalga oshirish sezilarli ravishda,  ya'ni 3-4 barobar arzonga tushadi. Bundan tashqari, tekshiruv natijalari ham bemorga qisqa muddat davomida taqdim etiladi.

Jarayonning o‘zi ko‘p yillik tajribaga ega bo‘lgan mutaxassislar guruhining qat'iy nazorati ostida o‘tkaziladi. Tsiklotron muhandislari, radiokimyogarlar, radiofarmatsevtlar, radiolog shifokorlar, shu jumladan professor, dotsent, katta ilmiy xodimlar, fan doktorlari va nomzodlari bir yoqadan bosh chiqarib, ushbu o‘ta murakkab, innovatsion diagnostika usulini amalga oshirishda tinmasdan ishlamoqdalar. 

PET/KT GE 128 Discovery MI DR– bu 128 ta kesmali multispiral kompyuter tomografiyasi va pozitron-emissiya tomografiyasidan iborat gibrid skaner turkumiga kiradi. Bu 2018 yilda ishlab chiqarilgan molekulyar tasvirlarni ko‘rish uchun mo‘ljallangan mutlaqo 100% raqamli tizimga ega eng sifatli tasvir beruvchi gibrid tomografdir. Ushbu apparat rusumi GE Healthcare (AQSh) kompaniyasi ishlab chiqarish liniyasining eng yuqori cho‘qqisida bo‘lib, hozirda dunyoning faqat uchta davlatidagi klinikalarga o‘rnatilgan, jumladan AQSh, Italiya va endi O‘zbekistonda ham. Bundan tashqari, ushbu uskuna modeli  MDH mamlakatlarida hali o‘rnatilgan emas. Yuqori sifatli, sezgir, zamonaviy, raqamli detektorlarning mavjudligi, diametri 2-3 mm bo‘lgan o‘smalarni aniqlash imkonini beradi. Uning yuqori aniqlik kuchi tufayli uskuna kasallikning dastlabki bosqichlarida juda ham kichik o‘lchamdagi patologik hosilalarni aniqlashga qodir. 

New Life Medical yadro tibbiyot markazi bemorlarga PET tasvirlarini rangli termografik plyonkada taqdim etuvchi dunyodagi birinchi klinika hisoblanadi.

11 avgust kuni New Life Medical klinikasi Grand Mir Hotelning konferensiyalar zalida O‘zbekistonda birinchi PET-markazi ochilishiga bag‘ishlangan xalqaro ilmiy konferensiyani tashkillashtirdi. Ochilish marosimida  Sog‘liqni saqlash vaziri o‘rinbosari E.E. Bositxonova,  RIIAO va RTM direktori, O‘zbekiston onkologlar uyushmasi Raisi, professor M.N.Tillashayxov va TTA radiologiya va nur tashxisi kafedrasi professori M.X.Xadjibekovlar so‘zga chiqishdi. Konferentsiyada dunyoning turli mamlakatlaridan tashrif buyurgan yetakchi mutaxassislar, jumladan Metin Cheviner (Turkiya), professor Kayremo Kalevi (Finlyandiya), Yuriy Ilin vaGaliya Riskulova (Qozog‘iston) hamda Malika Xodjibekova (Rossiya) o‘z ma'ruzalari bilan chiqish qilishdi.

Qo‘llanilayotgan uskuna va usullar haqida batafsil ma'lumot olish uchun, shuningdek tekshiruvdan o‘tishga yozilish uchun PETTASHKENT.UZ rasmiy sayti yoki kecha-yu  kunduz ishlaydigan quyidagi telefon raqamlariga murojaat qilishingiz mumkin: +99871-231-20-54, +99871-231-20-55, +99871-200-00-78.

Reklama huquqi asosida