Indoneziya bo‘lib o‘tayotgan Osiyo o‘yinlarining tennis bo‘yicha erkaklar o‘rtasidagi yakkalik bahslarida O‘zbekiston vakili Denis Istomin oltin medalni qo‘lga kiritgani xabar qilingandi.
Kun.uz muxbirining xabar berishicha, Denis Istomin Tokioda 2020 yil bo‘lib o‘tadigan Olimpiya o‘yinlariga ham litsenziyani yutib oldi. Unga ushbu litsenziya o‘yindan so‘ng tantanali topshirildi.
Ma'lumot uchun: Denis Istomin ushbu Osiyo o‘yinlarida O‘zbekistonga beshinchi oltin medalni taqdim etdi.
Kun.uz’ga ma'lum bo‘lishicha, Denis Istomin bugunning o‘zidayoq AQShga uchib ketadi. U ushbu davlatda tashkil etiladigan US Open musobaqasining birinchi davrasida mahalliy tennischi Stiv Jonson bilan bellashadi.
