Video: Bokschi gonorar miqdori kamligi tufayli ringdan ketib qoldi

Amerikalik og‘ir vaznli bokschi Kertis Xarper nigeriyalik Efe Ajagba bilan jang qilishni istamadi va bahs boshlanganidan so‘ng ringni tark etdi. Ushbu holat tasvirlangan video SportsCenter’ning Twitter-akkauntida e'lon qilingan.

Jurnalist Jordan Xardining keyinchalik tvitterdagi o‘z sahifasida aniqlik kiritishicha, Xarper o‘z xatti-harakati bilan tashkilotchilarga xabar qoldirishga harakat qilgan. Amerikalik sportchi nigeriyalik bokschi bilan jang uchun gonorar miqdori yetarli bo‘lmagani tufayli o‘zini obro‘sizlangandek his qilgan.

Shu tariqa, Ajagba og‘ir vazn toifasida yengilmas bokschi nomini saqlab qoldi. Nigeriyalik ketma-ket oltinchi g‘alabani qo‘lga kiritdi.