Indoneziyada bo‘lib o‘tayotgan Osiyo o‘yinlarida ilk marta o‘zbek milliy kurashi bo‘yicha bahslar boshlandi.
Bugun O‘zbekiston jamoasining 6 nafar vakili bahslarga qo‘shildi. O‘zbekistonlik kurashchilardan 4 nafari saralash bosqichida ishtirokini boshladi va 4 sportchi ham ilk bahslarda g‘alaba qozonib, nimchorak finalga chiqdi.
Dastlab gilamga chiqqan, -66kg vazn toifasida O‘zbekiston sharafini himoya qilayotgan Ma'ruf G‘aybulloyev mezbonlar vakili - Timur Aprilianda Adini 10:0 hisobida mag‘lub etdi.
-66kg vazn toifasida gilamga chiqqan boshqa bir o‘zbekistonlik sportchi Ruslan Bo‘riyev esa mo‘g‘ulistonlik Jargalsayxonni mag‘lub etib (1:0), keyingi davraga yo‘l oldi.
+90 kg vazn toifasidagi Nurbek To‘rayev ham ilk jangida livanlik raqibi Fadel Jadni 10:0 hisobida mag‘lubiyatga uchratdi va 1/8 finalga yo‘l oldi.
Ishtirokini saralashdan boshlagan, -52 kg vazn toifasidagi Gulnora Sulaymonova ham indoneziyalik Maya Sari Sembiringga hech qanday imkoniyat qoldirmadi - 10:0.
Bugun O‘zbekistonning yana ikki vakili chorak finalda o‘z ishtirokini boshlaydi. Bular -52 kg vazn toifasidagi Oysuluv Abdumajidova hamda +90 kg vazn toifasidagi Muhsin Hisomiddinov. Abdumajidovaning ilk raqibi turkmanistonlik Anastasiya Makayeva bo‘ladi, Hisomiddinov ilk bahsni yaponiyalik Tatsumi Kavaguchiga qarshi o‘tkazadi.
