Toshkentda ayolning yuziga kislota sepib yuborgan shaxslar qo‘lga olindi

Illyustrativ foto

Toshkent shahrida jinoyat yuz berdi. Bu haqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi xabar qilmoqda.

Ma'lum bo‘lishicha, shu yil 29 iyun kuni noma'lum shaxslar Chilonzor 11-dahasida bezorilik oqibatida L.K. ismli ayolning yuziga kislota suyuqligini sepib yuborib, jarohat yetkazib, voqea joyidan yashiringan. L.K. kasalxonaga yotqizilgan.

Ko‘rilgan choralar natijasida ushbu jinoyatni Olmazor tumanida yashovchi N.A., Sh.N., D.A. va H.A. sodir etganliklari aniqlanib, qo‘lga olingan.

#Toshkent #jinoyat #Uchtepa #Kislota