«Barselona» yangi transferini e'lon qildi

Urugvayning «Boston River» klubi himoyachisi Ronald Arauxo faoliyatini «Barselona»da davom ettiradi.

Katalonlar klubi ushbu 19 yoshli futbolchi bilan 5 yillik shartnoma tuzib, unga 100 million yevro miqdorida badal puli belgilagan.

Arauxoning transferi uchun ko‘k-anorranglilar jamoasi 1,7 million yevro sarflagan, bonuslar hisobiga bu miqdor 5,2 million yevroga yetishi mumkin.

Futbolchi «Barselona B» safida to‘p suradi. Agar u asosiy jamoaga o‘ta olsa, uning badal puli miqdori 200 million yevroga ko‘tariladi.

Arauxo Urugvay yoshlar terma jamoasi sardori hisoblanadi.