Foto: O‘zbekistonlik yengil atletikachilarga medallar topshirildi

Osiyo o‘yinlarining 29 avgust kungi bahslarida yengil atletikaning balandlikka sakrash bo‘yicha sovrindor bo‘lgan sportchilarni taqdirlash marosimi bo‘lib o‘tdi.

O‘zbekiston terma jamoasi bu yo‘nalishda birato‘la 2ta medal olgandi - oltin medal uchun kurash O‘zbekiston yengil atletika terma jamoasi a'zolari Svetlana Radzivil va Nadiya Dusanova o‘rtasida kechib, tajribaliroq Radzivil ustun kelgan, u 196 santimetrlik natija bilan Osiyo o‘yinlari rekordini yangilagan holda uchinchi bor Osiyo o‘yinlari g‘olibiga aylangandi.

Nadiya Dusanova 1,94 metrlik natijani qayd etib, o‘zining shaxsiy rekordini yangilagan holda kumush medalni o‘ziniki qildi. Uchinchi o‘rinni 1,84 m natijasida to‘xtagan qozog‘istonlik Nadejda Dubrovskaya egalladi.

Chempionlarga medallarni O‘zbekiston Milliy olimpiya qo‘mitasi rahbari Umid Ahmadjonov topshirdi.