Osiyo öyinlari yakunlari. Rekordlar, boks va kuraşdagi gegemonlik
|03:40 / 02.09.201898 0748 min
Bugun, 1 sentabr kuni Indoneziyaning Jakarta va Palembang şaharlarida Osiyo öyinlarining yakuniy bahslari ötkazildi. 2 sentabr kuni tongida triatlon böyiça jamoaviy bahslardan keyin turnirning yopiliş marosimi taşkillaştiriladi.
Özbekiston bu safargi Osiyo öyinlarida barça natijalarni yaxşiladi.
Turnirga Özbekistondan 234 nafar sportçi yöl olib, ular sportning 30 turi böyiça mamlakat şarafini himoya qilişdi.
Yakunda Özbekiston delegatsiyasi 21 oltin, 24 kumuş va 25 bronza, jami 70 medal qölga kiritdi. Bu esa medallarning umumiy soni böyiça ham, oltin medallar soni böyiça ham, kumuş va bronza medallar soni böyiça ham natijalar yaxşilanişi böldi.
Foto: Abdulloh Fayzullayev
Xususan, şu vaqtgaça medal jamğariş böyiça Guangjou—2010 öyinlari eng yaxşi natija qayd etilgan turnir bölib turgandi — jami 56ta medal (11 oltin, 22 kumuş, 23 bronza). Eng köp oltin va bronza oliş böyiça körsatkiç esa Pusan—2002 turnirida qayd etilgan. 2002 yilgi Osiyo öyinlaridan özbekistonlik sportçilar 15ta oltin va 24ta bronza medal bilan qaytişgandi (15-12-24). Eng köp kumuşlar Bangkok—1998 va Guançjou—2010 turnirlarida olingan - 22tadan.
Şu bilan birgalikda Özbekiston umumiy reytingda yuqori örin egallaş böyiça natijani yaxşilay olmadi, Hirosima—1994 va Pusan—2002 turnirlaridagi natijalar takrorlandi.
Özbekiston şu vaqtga qadar 6 marta Osiyo öyinlarida qatnaşgandi.
1. Hirosima—1994: 11ta oltin, 12ta kumuş, 19ta bronza. Jami 42ta medal. Umumjamoa hisobida 5-örin.
2. Bangkok—1998: 6ta oltin, 22ta kumuş, 12ta bronza. Jami 40ta medal. Umumjamoa hisobida 10-örin.
3. Pusan—2002: 15ta oltin, 12ta kumuş, 24ta bronza. Jami 51ta medal. Umumjamoa hisobida 5-örin.
Mavzuga oid
4. Doha—2006:
11ta oltin, 14ta kumuş, 15ta bronza. Jami 40ta medal. Umumjamoa hisobida 7-örin.
5. Guangjou—2010: 11ta oltin, 22ta kumuş, 23ta bronza. Jami 56ta medal. Umumjamoa hisobida 8-örin.
6. Inçeon—2014: 9ta oltin, 14ta kumuş, 22ta bronza. Jami 45ta medal. Umumjamoa hisobida 11-örin.
7. Jakarta-Palembang—2018: 21ta oltin, 24ta kumuş, 25ta bronza. Jami 70ta medal. Umumjamoa hisobida 5-örin.
Özbekiston delegatsiyasiga eng köp medalni Osiyo öyinlariga ilk bor kiritilgan özbek milliy kuraşi vakillari keltirişdi - 6ta oltin, 2ta kumuş va 4ta bronza. Şuningdek, boksda 5ta oltin va 2ta kumuş medal qölga kiritildi. Qayd etiş kerakki, turnirga borgan barça boksçilar finalga çiqib, medallarga ega bölişdi.
Şuningdek, erkin kuraşçilar 2ta oltin, 1ta kumuş va 3ta bronza medalni delegatsiya hisobiga qöşib qöyişgan bölsa, kanoeda 8ta (1-3-4), taekvondoda 6ta (1-3-2), toş kötarişda 5ta (1-2-2), yengil atletikada 4ta (1-2-1), baydarkada eşkak eşişda 4ta (1-2-1), samboda 4ta (1-1-2), dzyudoda 4ta (1-0-3), tennisda bitta oltin, badiiy gimnastikada 2ta kumuş, karateda 1 kumuş va 2 bronza, velosport, u-şu va sport gimnastikasida bittadan kumuş, pençak silatda bitta bronza qölga kiritildi.
Bekzod Abdurahmonov
Qayd etiş kerakki, turnirga 45 mamlakatdan 9704 nafar sportçi taşrif buyurdi. Sportning 42 turi böyiça 476 komplekt medallar jamlanmasi öynaldi.
Yakuniy reytingda xitoylik sportçilar jami 289 medal olgan holda boşqa raqiblardan yaqqol ustunlik qilişdi - 132ta oltin, 92ta kumuş va 65 bronza. Uçlikni Yaponiya (74-56-74) va Janubiy Koreya (49-57-7) töldirdi. Mezbon Indoneziya esa 31 oltin olib, törtinçi örinni band etdi, mezbonlarning 15 oltini milliy sport turi pençak silatdan olindi.
Beşinçi örin uçun oxirgi kunlarda Eron, Xitoy Taypeyi Hindiston, Qozoğiston, KXDR va Özbekiston örtasida kuraş keçdi. Özbekiston turnirning ikkinçi haftasida ham önlikdan taşqarida edi va faqat oxirgi kunlardagi medallar, ayniqsa boksçilarning muvaffaqiyatli iştiroki evaziga beşinçi öringa kötarilib oldi. Oxirgi kunda Eron va Özbekiston örtasida öziga xos intriga yuzaga keldi. Kun avvalida Eron 19ta medal bilan beşinçi örinda turgandi, yettinçi örindagi Özbekistonda esa 15ta oltin medal bor edi. Özbekistonlik boksçilardan 5 nafari oltin medalga ega çiqqanidan keyin ham beşinçi örin kafolatlanmagandi, Eronning basketbol va voleybol jamoalari finalga çiqqan va ikkita oltin medal oliş orqali yana beşinçi örinni qaytarib olişi mumkin edi. Ammo özbekistonlik samboçilar bitta oltin medal qölga kiritiş orqali, eronliklarning imkoniyatlarini yöqqa çiqardi, endi Eron jamoviy bahslarda ikkita oltin medal qölga kiritsa ham, kumuş medallar kamligi evaziga (bu vaqtda Eronda 19ta, Özbekistonda 24ta kumuş medal bor edi). Yakunda eronlik voleybolçilar ğalaba qozonib, medallar sonini 20taga yetkazişdi, ammo basketbol jamoasi kumuş medal bilan kifoyalandi.
Turnirda yuqoriroq natija körsatişi kutilgan Qozoğiston delegatsiyasi esa 76 medal bilan (15-17-44), 9-öringa joylaşdi.
Umuman, turnirga kelgan 45 delegatsiyadan 37tasi kamida bitta medal bilan qaytadigan böldi. Bu delegatsiyalar qatorida 22-örindagi Qirğiziston (2-6-12), 27-örindagi Iroq (1-2), 28-örindagi Birlaşgan Koreya jamoasi (1-1-2), 30-örindagi Tojikiston (0-4-3), 32-örindagi Turkmaniston (0-1-2), 34-örindagi Pokiston (0-0-4), 35-Afğoniston (0-0-2), 37-örindagi Suriya (0-0-1) ham bor.
Musobaqa davomida özbekistonliklar Osiyo öyinlari rekordlarini yangilaşdi. Svetlana Radzivil balandlikka sakraş böyiça uç karra Osiyo öyinlari ğolibiga aylaniş bilan bir qatorda, 2010 yilda özi örnatgan rekordni yangilay oldi. Şuningdek, Ruslan Nuriddinov oğir atletika böyiça Osiyo öyinlarining yangi rekordçisiga aylandi. Vadim Menkov baydarka va kanoeda eşkak eşiş böyiça tört karra Osiyo öyinlari ğolibiga aylangan ilk sportçi böldi.
Özbekiston boks jamoasi esa turnirda yaqqol gegemonlik qildi va katta farq bilan birinçi örinni egalladi.
Jasurbek Latipov (-52 kg), Miraziz Mirzaxalilov (-56 kg), Iqboljon Xoldorov (-64 kg), Bobousmon Boturov (-69kg) va Özbekiston delegatsiyasi bayroqdori Isroil Madrimov (-75 kg) oltin medallarni qölga kiritişgandi. Hasanboy Dösmatov (-49 kg) va Şunqor Abdurasulov (-60 kg) esa finalda yutqazib, kumuş medal bilan kifoyalanişdi.
Özbekistonlik kuraşçilar ham boşqa raqiblardan yaqqol ustunlik körsatişdi. Kuraş böyiça musobaqalar ham 7 vazn toifasida taşkil etildi va unda iştirok etgan 14 nafar özbekistonlik kuraşçidan 12 nafari medal oldi - 6 oltin, 2 kumuş va 4 bronza. E'tiborli jihati, ikki marta finalda özbekistonlik kuraşçilar oltin uçun özaro bahs olib borişdi. -90 kg vazn toifasida Yahyo Imomov va Şermuhammad Jandriyev hamda -66 kg vazn toifasida Ma'ruf Ğaybulloyev va Ruslan Böriyev finalda özaro gilamga çiqişdi. Şuningdek, özbekistonlik yengil atletikaçilar, Svetlana Radzivil va Nadiya Dusanova balandlikka sakraş böyiça oltin va kumuş medallarni özaro bölib olişdi.
Foto: Hasan Pirmuhammedov
Özbekiston delegatsiyasi 2 sentabr kuni mahalliy vaqt bilan soat 15:00da Toşkentga qaytib keladi.
