Jizzaxda ikki tanishning janjali ulardan biri o‘limi bilan tugadi

2018 yilning 7 sentabr kuni Jizzax viloyatining Do‘stlik tumanida yashovchi A.A. mast holda o‘zaro janjal sabab tanishi S.X.ning yuziga qo‘li bilan urgan vaqtida u boshi bilan yerga yiqilib, jarohat olgan.

Bu haqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi xabar bermoqda.

Ro‘y bergan voqea natijasida S.X. kasalxonaga yotqizilgan. Ammo ko‘rsatilgan tibbiy muolajalarga qaramay vafot etgan. 

Holat yuzasidan jinoyat ishi qo‘zg‘atilib, A.A. qo‘lga olingan. Tergov harakatlari olib borilmoqda.