AQSh davlat kotibining iqtisodiyot va biznes bo‘yicha yordamchisi birinchi o‘rinbosari O‘zbekistonga kelyapti

2018 yilning 12 sentabr kuni AQSh Davlat departamenti delegatsiyasi O‘zbekistonga keladi. Bu haqda TIV axborot xizmati xabar berdi.

Delegatsiyaga AQSh davlat kotibi iqtisodiyot va biznes masalalari bo‘yicha yordamchisining birinchi o‘rinbosari Brayan MakFiters boshchilik qiladi.

Tashrif dasturida Vazirlar Mahkamasida, Tashqi ishlar, Tashqi savdo, Iqtisodiyot, Axborot texnologiyalari va kommunikatsiyalarini rivojlantirish vazirliklarida muzokaralar o‘tkazish ko‘zda tutilgan bo‘lib, mazkur uchrashuvlar chog‘ida savdo-iqtisodiy va investitsion sohalardagi ikki tomonlama hamkorlikning istiqbollarini muhokama qilish rejalashtirilgan.

Eslatib o‘tamiz, avvalroq AQShning xalqaro diniy erkinlik masalalari bo‘yicha elchisi O‘zbekistonga kelayotgani xabar berilgandi.