Braziliyadagi turmadan yuzdan ko‘proq mahbus qochdi

10 sentabrda Braziliyaning Paraiba shtatidagi Juan-Pessoa shahrida joylashgan turmadan kamida 105 mahbus qochdi. Bu haqda Yestadao mahalliy nashri ma'lum qildi. 

Mahalliy ma'muriyat ma'lumotlariga ko‘ra, qochishni amalga oshirish uchun qurollangan kimsalar guruhi tashqaridan turma darvozasini portlatib, qo‘riqchilarni o‘qqa tutgan. Bir qo‘riqchi og‘ir jarohat olgan.

Politsiya 41 qochoqni ushlashga muvaffaq bo‘lgan. Qolgan qochoqlar qidirilmoqda.

Hukumat barcha qochoq mahbuslar suratlarini e'lon qilgan va ushbu hodisani tergov qilishni boshlagan.