“Биринчи гал у ҳарбий-ҳаво кучларининг энг илғор самолётларининг 17 фоизга яқинини йўқотганди”, деб айтган Мэттис. Бу ҳақда The Hill нашри хабар берди ва Мэттис Сурия қўшинларига 2017 йил апрелда берилган зарбаларни назарда тутганига ойдинлик киритган.
“У огоҳлантирилди. Биз у ақлини йиғиб олдими-йўқми кўрамиз”, деб давом эттирган Пентагон раҳбари.
Шу билан бирга Мэттис Сурия кучлари Идлиб вилоятида хлор қўлласа, АҚШ бунга жавобан куч қўллаш-қўлламаслиги борасидаги саволга жавоб беришдан қочган.
2017 йил 4 апрелда Суриянинг Хан-Шайхун шаҳрида кимёвий ҳужум амалга оширилган ва бунинг оқибатида 100 га яқин одам ҳалок бўлган. Ғарб давлатларининг аксарияти ва Сурия мухолифати ушбу ҳужум учун жавобгарликни Сурия ҳукумати зиммасига юклаган. Бироқ Дамашқ бу айбловларни инкор этган.
Шунга қарамай, АҚШ 7 апрелга ўтар кечаси Сурия қўшинларининг Шайрат ҳарбий базасига қанотли ракеталар билан зарбалар берган. Шунингдек, 14 апрелда АҚШ, Буюк Британия ва Франция гўёки кимёвий қурол ишлаб чиқариш ва сақлаш билан боғлиқ бўлган Суриядаги объектларга зарбалар берган.
