Shimoliy va Janubiy Koreya rahbariyatlari 2032 yilgi yozgi Olimpiadani birgalikda o‘tkazish imkoniyatini muhokama qilmoqda. O‘yinlar ikki davlat hududida bir vaqtda o‘tishi mumkin, deb ma'lum qildi Janubiy Koreya madaniyat va sport vaziri To Chon Xvan.
Musobaqalarni ikki davlat poytaxtlari – Seul va Pxenyanda o‘tkazish varianti ko‘rilmoqda. Qo‘shma arizani topshirish bo‘yicha yakuniy qaror yaqin orada, Janubiy va Shimoliy Koreya yetakchilari sammiti natijalariga ko‘ra qabul qilinishi mumkin.
Janubiy Koreyaning Pyongchangida o‘tgan oxirgi qishki Olimpiadada ikki davlat delegatsiyalari O‘yinlar ochilish marosimida yagona bayroq ostida birgalikda o‘tgandi.
