Join KUN.UZ Telegram каналига қўшилинг ва энг сўнгги янгиликлардан хабардор бўлинг! Аъзо бўлиш
x
Ҳукумат ижро тузилмасида жиддий ўзгаришлар: янги лавозим жорий этилди
12:36 / 14.09.2018
74223
Фото: KUN.UZ

Ўзбекистон Республикаси Вазирлар Маҳкамаси ижро тузилмасига ўзгартириш киритилди.

Унга кўра, Ўзбекистон Республикаси бош вазирининг ўринбосари – Геология, ёқилғи-энергетика комплекси, кимё, нефть-кимё ва металлургия саноати масалалари комплекси раҳбари — «Ўзбекнефтгаз» акциядорлик жамияти бошқаруви раиси лавозими тугатилди.

Тузилмада бош вазир ўринбосари - Геология, ёқилғи-энергетика комплекси, кимё, нефть-кимё ва металлургия саноати масалалари комплекси раҳбари лавозими жорий этилди.

Президент қарори билан Алишер Султонов бош вазир ўринбосари – Геология, ёқилғи-энергетика комплекси, кимё, нефть-кимё ва металлургия саноати масалалари комплекси раҳбари этиб тайинланди.

Алишер Султонов
Фото: Ўзбекнефтгаз

Эслатиб ўтамиз, аввалроқ Алишер Султонов «Ўзбекнефтгаз» раҳбарлигидан кетгани хабар берилганди.

Эндиликда, Ўзбекистоннинг Россиядаги элчиси Баҳром Ашрафхонов Султонов ўрнига «Ўзбекнефтгаз» АЖ бошқаруви раиси лавозимини эгаллаган.


Улашинг
Top