Vaqtni samarali rejalashtirish, majburiyatlarni taqsimlash, muloyimlik va mustaqillik bularning bari – har qanday tadbirkor uchun foydali bo‘ladi.
Amerikalik tadbirkorlarga xos bo‘lgan umumiy jihatlar quyidagilardan iborat:
1. O‘ta dabdabali kiyinmaydi
Kompaniyaning zamonaviy rahbarlari ishbilarmon kishi imidji haqida g‘amxo‘rlik qiladi.Kiyinish uslubi qimmatbaho soat va kostyumlardan xoli.
2. Suhbatdoshi bilan muloyim
Uchrashuvda amerikalik biznesmenlar sezgir va muloyim. Ko‘pincha bu ularga muzokaralar davomida suhbatdoshini rad etish yoki fikrini yuziga aytish imkonini bermaydi. Haqqoniy javob (brutally honest feed back) – ishonchning eng yuqori shakli bo‘lib, unga erishish oson emas. Inkorni amerikaliklar nice yoki sounds good kabi so‘zlar bilan berkitishni afzal bilishadi. Ular bilan ilk marta muloqot qilayotganlar to‘g‘ri tushunmaydi. Biroq aslida bu «Kechirasiz do‘stim, biroq bu quruq safsata» degan ma'noni anglatadi.
3. Kunini aql bilan rejalashtiradi
AQShdagi tadbirkorlar ish va shaxsiy hayotni birgalikda olib borishni bilishadi. Ko‘pincha ular o‘z vaqtini sinchkovlik bilan rejalashtiradi. Amerikalik odam vaqtli uyg‘onadi, ish kuni u uyg‘ongan vaqtdan boshlanadi. Ertalab soat sakkizdan nonushta ustida bo‘ladigan ishbilarmonlikka oid uchrashuvlar Business lunch meeting – odatiy hol.
Umuman olganda amerikalikning ishga munosabatini birgina gapbilan tasvirlash mumkin: «Businessis a betterlife» (Biznes bu – yaxshiroq hayot).Bu yerda ish hayotiy siklga tabiiy ravishda bog‘lanadi. Albatta AQShlik tadbirkorlar uchun ham holidays tushunchasi mavjud. Ammo u hatto ta'tilida ham o‘z ishining rivoji uchun foydali mashg‘ulot bilan shug‘ullanadi. Ish va odatiy to do list (ishlar ro‘yxati) amerikalik uchun yagona narsa deyish mumkin.
4. Vaziyatlarga bog‘liq bo‘lmaslikka harakat qiladi
Amerikalik tadbirkorlar hech narsaga bog‘liq bo‘lmaslikka harakat qilishadi. Bu xoh begona biznes, xoh samarasiz yechimlar yoki mos kelmaydigan texnologiyalar bo‘lsin. Mashhur Tesla bunga yaxshi misol. O‘zining Model 3 ni ishlab chiqarishda kompaniya qurilmani yetkazib beruvchi sabab muammolarga duch keldi. Ularni hal qilish uchun Tesla avtoni yig‘uvchi robotlar ishlab chiqaruvchisini sotib oldi. Startaplar uchun bunday qarorlar qiyinlik qiladi, biroq ular jarayonni nazoratga olib, non-addiction – mustaqillikka erishishga harakat qilishadi.
